Ioanes 19:5-11

⁵Na tahuna e Isu i pagitala i kubea a tama ni rata na barakau, i rodoa a varakia kuakua, lakea e Pilato i taki ria, “Mu masia a bakovi iea!”

⁶Na tahuna e huriki a prister dagi, turane huriki a bolekori, ri masia e Isu, ri gale tala ri ta maea, “O paditatea na kai tavalavala! O paditatea na kai tavalavala!” Pali e Pilato i koli, i ta maea, “Mu bolea, mu paditatea na kai tavalavala! Pali iau i uka ma a puruvisia vona tara maki hale ge ratea ge vurua vona.”

⁷Pali e huriki a Iuda ri ta hinituhana, ri ta maea, “Mi tahoka tara vinara. A vinara iea i taki ra bakovi iea ge mate, a vuhuna i takia ta ia a Tuna Vure.”

⁸Na tahuna e Pilato i longoa a ngava iea i mangenge hateka,

⁹lakea i hamule dili na ruma, i nanea e Isu, “I vai a hini o valai vona?” Pali e Isu i uka ma i koli.

¹⁰Lakea e Pilato i ta maea, “I navai o longo vulai? Ioe o uka ma o lohoka nau? Iau a tahoka a nitora ni kori ioe bara o pagitala, o ni paditata ioe na kai tavalavala na ningaru nau.”

¹¹E Isu i koli, i ta maea, “A Vure a viri i habi a nitora vomu. Ia i uka ma ge habia vomu a nitora iea, i uka ma go tahoka a nitora ni rabalaki iau. Pali a viri i habi iau na limamu, a naro hale vona i dagi hateka na naro hale vomu.”