19 Mose ese taravatu ia henia umui dekenai, ani? To edena bamona umui be taravatu umui badinaia lasi? Dahaka dainai lau umui alaia dalana umui tahua?”
20 Taunimanima idia haere ia dekenai, idia gwau, “Oi be oi kavakava, a? Daika ia ura oi do ia alaia?”
21 Iesu ia gwau, “Lau be kara tamona sibona lau karaia, vadaeni umui ibounai umui hoa, bona umui laloa momo.
22 Mose ese kopina utua ena taravatu ia henia vadaeni umui dekenai. Gau tamona Mose ese unai kara ia hamatamaia lasi, to iseda guna sene taudia ese. Unai dainai, umui be Sabati Dina dekenai memero edia kopina umui utua.
23 Sabati Dina dekenai mero ta ena usina kopina do umui utua, Mose ena taravatu do umui makohia garina, to edena bamona lau be umui badu henia, Sabati Dina dekenai tau ta lau hanamoa momokani dainai?
