Ioane 21:2-7

²Headi se oigogoesega, Simona Petero, eo Toma esana Didumo, eo Natanaela Kana Galilaiana, eo Sebedaio nanatunayao, eo ena heaheatayao labui hinage.

³Simona Petero i heribadi, i ene, “Ea lau ea eama.” Isi ia se heriba si ene, “Ai hinage maem ta lau.” Se lau se gerusae waga eai: maionana eai ne se eamaasa, se bo’au.

⁴Maratomtom eai Iesu i totoro geregere eai, ena heaheatayao Iesu nige se italobai.

⁵Iesu abo i hesioidi, i ene, “Nanatuguyao e, aiai ami e nige’e wa?” Ia se heriba si ene, “Nige’e.”

⁶Abo i heribadi i ene, “Hiana au galaei waga ateanina eai, eama abo au aitoa.” Se galanonohai bena se tabei, se tabeasa, eama se gamagari ariri.

⁷Arinai abo heaheata Iesu i gadosisiei wa, i ribalau Petero arinai i ene, “Ia ede Guiauna!” Simona Petero abo i ataiei ia ede Guiauna, ena eama luluna ie lio, (ia tau ahaahana mo) abo i tubapesa gabogabo eai.