Ibru 1

1

2

3

4

5

6

7

8

9

10

11

12

13

¹Watavit ampa God me isimuranaiwa gumbo wane. Propeta gumbo kum obiren di, sira ebu obiren gumbe wane.

²Kum gare oieba apa, Usiwa gumbe did nunne. God ane Usiwa me dividivi undag wadnewa me kwan autan oya. Usiwa gumbe dividivi undag piyuwawa ge kwiminauwa undag waramne.

³Usiwa me God eyawa esinewa, me God anoanowawa irayauyau. Gae yusipamit gumbe dividivi undag waramnewa amaraivi. Me wait ane kukaeba muinne, yusipama painauvitwa yutanwa apa yan wakene.

⁴Usiwa me iviwa oraiwa kwan aune, aneya mina onan. Mame mina, me ane oraivitwa, aneya mina onan.

⁵God me aneya ambuwa gumbe mameib wane? “Ge ne Utunwa. Gare ge ne barau genna.” Sira, “Ne me Mamaven atna. Me ne Utunwa ape.”

⁶Sira God usiwa namuirenwa baraune onnewa kumiwa apa, me mamaib wane, “God aneyaeba mu Usiwa waiya waiya atanit di.”

⁷Sira aneya oya mamaib wane, “God ane aneya taig mina, sira ane nau eme igiyawa iyam meru mina.”

⁸Usiwa oya me mamaib wane, “God, ge kin seyaeba auwawa viripusiwa onan. Ano oraiwa tutuwawa me Ge toimuwagwa tutuwawa.

⁹Ge oraiwa baigan ege. Ge ano kukaeba topai ege. Meoya God, God geuma me ge painau barau genne, aigo geuma mu mina onan. Ge waribiya gennewa me degadega oira kadnawa gumbe.”

¹⁰Sira wane, “Ayapan, ge namuiren piyu amatowanawa. Kwimin me mina ge nanigap warana.

¹¹Dividivi undag mame matai onanape. Megara ge meib di wakeigima viripusiwa onan. Dividivi undag matai enwape mina kukai mutpe.

¹²Ge dividivi mame matai wape yobutataewa mina panatpewa, Dividivi mame matai wape mina tobiyape. Megara ge gembo den tobiya, sira ge bairawan geuma oieba onan.”

¹³Aneya me ambuwa gumbe God mamaib watavit wane? “Ge ne nanin yutanwa gumbe yan wakeya. Ne matai atna, anavi geuma ge amagwa egave emtanwa ape.”

¹⁴Aneya undag mu guwowa mu upeba munan nau emewa. God me aneya tene onamiyawa, waita kwanawa aupe igiyawa nau mumawa atan oya.