Iberani 1

1

2

3

4

5

6

7

8

9

10

11

12

13

¹Na fafongfa, Allai medu bitoya na ne nabifosa we tane werengno Israeli fafong fasa, tuti medu wesa na rang bitoya.

²Wape rahida wefuiai ninai Allai medu na ne Kaisungfoi we tata. Kaisung nani, Allai mantauni yuaisi weArikangno ambori ne mambiriu we sobu fi kiaio tamang neng fo. Na I kontai, Allai niari nunei tuti rorafaisi sentenang.

³Kaisung nani ne tarai toyari sambewarai we tawatipa Allai ne sambewarai dadai fo tuti wefiainawiaia kasau kariri Allaio tarai foi, tuti andino derara fi kiai na rorafaisi tuti nunei na ne kaiwo wemambiriu fo ne. Yuairurang tane sasarineia kiai na ne rikafoia mani, minohi na Mananufaisi warang domoya fo, na katai dedai mantaung foi.

⁴Dedai sewa wewaifosa kiai, dedai kariri wangno sobua fo, weo wang nanai dadai pari sewa weru wewaifo ene wangfo.

⁵Weo Allai wiro sahu wewaifosa we ne kaisung disa kaha. Wiro medu we manei nasa deyo, “Wauno nehu Kaisung di Waune! Rahida bonini iweDai we Wau.” Kontai wiro medu kariri wewai manei deyo, “I ambori sahu Yau we ne Dai, Tuti isahui we nehu Kaisungfo ne,” kaha.

⁶Kontai, rabuang bo kia ne Kaisung mansiari foi to nunei meu ne, medu deyo,

⁷Mae kariri wewaifosa mani, medu deyo, “Allai niari ne wewaifosa ene tarai toyari numandai, tuti niarisa we ne mangfata ene tarai toyari adia denggararu.”

⁸Mae we Kaisungfoi mani Allai medu deyo, “Allai Wau, nemu kadera mananu wai wiatai we fitawafa, tuti Wau wemananu na enemurorong mesi.

⁹Wau mani enemuo ne maifo tuti enemurireu ne karirafo; nanai wedaya Allai, mano wahui we nemu Allai dine foi, diri wau yuai wau dedai sewa nemu maniwowirio meweboyari fosa, tuti deinawi finanai na yuairurang nemu taraiwai na maningno kia mirising fo.”

¹⁰Tuti medu we ne Kaisungfoi kontai deyo, “Sengne Wau, na reantenang pari fo nari nunei amangneia mitu, tuti rorafaisi mani waramu wawua fine.

¹¹Finanai kiai ambori woru, wape Wau mani munohi pampang. Finanai kiai ambori memo toyari ansung.

¹²Nunei sentenang ambori wukoyari toyari wukoya ansung boriei fo, tuti toyari manei yiwang ansungfo tonanai kontai riwani na nu siai bei aha. Wape Wau mani riwang Wau na ea kaha, tuti nemu rahida wiro werea na ea kaha.”

¹³Tuti Allai wiro medu we wewaifosa na weai kawurua deyo, “Munohi na warahu domoya ne, paria inari nemu aiteta wausa etawai aweu awemu doa sausa.”

¹⁴Tonana mani, wewaifosa mani fiani saine? Ea kiai mani nuaninuo efata Allai, tuti Allai demisa we efata inontaraio ambori esobu fariri fosa saine.