1Mono nagamota ovesinte avesitema hu avu'ava'zantamimo'a meno vino.
2Ketma antahitma osu'nesaza vahe'ma ne-esagetama nontamifi zamavrente zankura tamagera okanino. Na'ankure mago'amo'za korapara ontahine'za nozamifina zmavrentenazana, ankero vahe anara huzamante'naze. (Jen-Agf 18:1–19:1)
3Hagi kina nompima mani'nesamokizmia kagerakani ozmantenka, kagranema kina nompima mani'nenoma hiaza hunka, kagesa antahizamio. Vahe'mo'za zmazeri haviza hanage'za zmatazampima mni'nesaza vahe'mokizmia, tamagera akani ozmanteta, tagranema tata zampima mni'nenoma hiaza huta knazmia eriho.
4Aravema huno a'ane ve'anema manifatgoma huno mni'zana, raza amunontamifina meno, hagi aravema osu' vahe'mo'ma monkozama hanimofone, koma aravema hu'nesimoma atreno, ru vene a'ene monko avu'ava'zama hanimofona, Anumzamo keaga huzmantegahie.
5Zagoguma avesi avesi huntezankura kava huo, anama erinesanama'agura museho, na'ankure Anumzamo'a anage hu'ne, Nagra kagrira onkatre'na, Nagra namagena huogamigahue hu'ne. (Diu-Kas 31:6-8, Jos 1:5)
6Hu'negu tagra antahinemita, hanavetita anage hugahune, Ramo'a nazahina mani'nogu nagra korera osugahue. Na'a vahetfamo'a hunantegahie? hugahune. (Sam-Zga 118:6)
7Vugotama huramantenaza vahe'mozama Anumzamofo nanekema tamasminaza kegu tamagesa antahiho. Nomani zazmia refako huta negeta tamentintifina, zamagrikna huta maniho.
8Jisas Kraisi'a okima mani'neakna huno menina mani'neno, anahukna huno hakare'a knafina manivava hugahie.
9Hu'negu atrenkeno ruzahu ruzahu kasefa antahintahizamo'a tamavazu huno afetera ovino. Tamaguamofona atrenkeno Anumzamofo asunkuzamo tamazeri hakavetino, mago'amo'za zmavu'zmava'zama avaririza ne'zama retro'ma hu'za nezamo'a, tamazeri hanavea notie.
10Kre sramanavu itatia, tagrira me'neankino, seri mono nompima eri'zama eneri'za prisi vahe'mo'za onetfa hugahaze.
11Jiu vahe'mokizmi zmavu'zmavapina vugota prisi vahe'mo'za kumimofo nona hu'za zgagfa korana eri'za ruotage'ma hu'nefinka unefraze. Hianagi zgagfamofo zamavufga eri'za kuma'mofona fegi'a negraze. (Lev-Pri 16:27)
12Ana hu'negu Jisasi'a vahe'amokizmi kumizmi zmazeri agruma huno zamazeri ruotge hanigura, rankumamofo kasampinti atiramino fegia avufga aguzaruno korana tagine.
13Hu'negu kuma'mofo fegu'a Agrite nevuta, Agrama hu'neaza huta tagazezana erigahune.
14Na'ankure ama mni'nonana rankumatia zoka kumate mani'none, hu'negu tagra henkama ne-ea rankumaku avega anteta mani'none.
15Ana hu'negu Jisas Agifi, tagrati tavufga Anumzamofona ami vganereta, ra agia ami'vava nehuta, Agri Agima tagipinti huama hunazamo rga'a fore nehie.
16Hagi knare tamavu'tamavama nehuta, atupama hanaza vahe'ma zamaza huzankura tamagera okaniho. Na'ankure e'inahukna avu'avapima tagra'ama amivgareta amizankura, Anumzamo'a muse nehie.
17Vugotama hurmantenesimofona agorga nemanita, ke'zamia amage anteho. Na'ankure zamagra tamagri tamagu'are kegva nehu'za, henkama Anumzamofo refako huzampina tamagri tamagenkema hu'ama hanaza vahe mani'naze. Hagi ana eri'zama erisazana zamatrenke'za musezampinti e'neri'za zamata e'oriho, na'ankure ana zamo'a tamaza osugahie.
18Nunamuna huranteho, tagra antahunana antahintahitimo'a ama' hu'negeta mikazama hanumpina fatgoza hanunegu tavenesie.
19Nagra hanavetina tamantahigoanki, nunamu nehinkena tamagritega koftahu'na aneno.
20Hagi arimpa fru Anumzamo, ugagota sipisipi afu kva ne' Ranti Jisasina fri'nefinti azeri oti'nemofo korama'areti, mevava hagerafi huvempa ke hu'ne.
21Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.
22Hagi nafuheta hanavetina ama upa avoma kreramuana tamagesa antahi'so'e hiho.
23Nagra tamasamuana, ko nerafu Timotina kinafinitira kazufetre'naze. Agrama esige'na, avare'na tamagritega vugahu'e.
24Kava vahetamine, maka mono naga'motarega musenke atreramantoe. Italima mani'naza mono nagamo'zanena musenkea hurmantaze.
25Anumzamofo asunku zamo'a maka nagamotare mesie.
