Hibru 1

1

2

3

4

5

6

7

8

9

10

11

12

13

¹Wele bahic Anut uqa saen geh bahic jic filfilna uqana je hahun madec dana conogana ege jajanigeil je maaden.

²Euqa deel hib cit qoc ina uqa Melah cona je magen. Anut uqa Melahna himec sao mahaca ifanen. Anut uqa Melahnu madi, hina ija huqani, don. Hibna hina ceteteh cunug ogan, don.

³Melah uqa Anut meca bahic ihacgena. Uqa Anutca ale caca, uqa Anut cinigwe. Odimei uqa je gagadic odocca madeceb ceteteh cunug gaid gagadic tawena. Odimei uqa dana cajaca cunug agena silail cacuadi hedumei uqa sao jobon ono King Meca Bahic uqa eben meulana isec bilen.

⁴Anut uqa Melah u mudeceb uqa ensel cunug wooladen. Eu odiwe Anut uqa Melah ijan oso uten eu ensel ijanaga wooladec.

⁵Ge, Anut uqa uqana ensel oso odi qee madol: “Hina ija melami. Qila ija hina memen caliga,” qee dol. Anut uqana ensel osonuha odi qee madel: “Ija uqa memeg biligen. Odocob uqa ija melami odi biligian,” qee el.

⁶Odocob saen Anut uqana mel matu maha ina suldocob nigiannu ninijen uqa odi maden: “Anutna ensel cunug age gob cehimeig uqanu cuha foqagan,” en.

⁷Anut uqana ensel agenu odi maden: “Anut uqa uqana ensel fufu fuludocwe mudadena. Odocob uqa uqana cewel utoc danaha ja belicancawe mudadena,” en.

⁸Euqa Anut uqa Melahnu maden: “O Anut, hinana king bilec cabal eu bileceb catanigian! Hina hinana king culna ititom biligina.

⁹Hina ititom kobol gawem. Hina loo je tefacdoc kobol sagagdom. Eunu Anut, hinana Anut ehihimei ceelec dana binainca bahic odi mihen, eu hinana danah eundec wooladem,” en.

¹⁰Odocob Anut uqaha Melah odi madon: “Tibud, hina gug qocna maha ifanem. Odimeg hina ebengulna ceteteh cunug saona nijia eu mudem.

¹¹Eu cunug fadaloqagan qa hina odi gaid bilegan. Ceteteh cunug lotoc cinigwe hilah moqagan.

¹²Hina duan lotoc cecelac cinigwe qahadi helegan. Odimeg hina lotoc hilahwe helimeg haun oso ogan. Euqa hina biligina, eu odi gaid bilecem catanigian,” don.

¹³Anut uqa uqana ensel oso odi qee madol: “Ene hina ebeni meulana isec biliga. Ene bibilem hinana cad cilehadimig age cabal jaim bisalu isec madigen,” qee dol.

¹⁴Ensel age eeta? Eu age cunug eu kis himec, eu Anutna cewel utoc dana. Anut uqa dana cajaca cahahaadigian eu Anutna mugumuga mec oqagan eu cesuladecnu suladeceb ageca belegina.