3 Aonega ai ruma e hadaiamu; lalo-parara ai e haginiamu;
4 aonega ai ena daiutu na dava bada kohudia bona kohu namodia iboudiai amo e honumu.
5 Aonega tauna ese goada tauna e hereaiamu, bona mai dibana tauna ese mai goadana tauna e hereaiamu;
6 badina be hahekau mai aonegana amo emu tuari ba goadalaia, bona hahealo taudia hutuma daidiai ba kwalimu.
7 Aonega na atai ai, kavakava tauna na basine davaria diba; hanua ikoukouna ai ia na se herevamu.
8 Kara dika ikarana e laloa hatamu tauna na hahedika tauna bae gwauraia.
