12»Echiriꞌ ri Jacob xunaꞌbꞌej chilaꞌ Egipto kꞌo katijik, xebꞌutaq bꞌi rukꞌajol chaꞌ keꞌkiloqꞌo trigo chilaꞌ. Waꞌ e ri nabꞌe bꞌenam xkiꞌan ri qamam chilaꞌ Egipto.
13Ekꞌu che rukalaj kibꞌenam, ri José xuqꞌalajisaj ribꞌ chikiwach ri ratzixelabꞌ. Jekꞌulaꞌ ri faraón xretaꞌmaj china taq ri e ratz-uchaqꞌ ri José.
14»Yey ri José xutaq ukꞌamik ruqaw Jacob y konoje ri e ratz-uchaqꞌ. Ri kajlibꞌal rike chi konoje e setenta y cinco.
15Jekꞌulaꞌ xeꞌjeqela ri Jacob pa ri tinamit Egipto. Chilaꞌ kꞌu riꞌ xkam wi rire y chilaꞌ xekam wi ri qamam.
16Xkꞌam kꞌu bꞌi ri kibꞌaqil pa ri tinamit Siquem y xeyaꞌ pa ri muqubꞌal uloqꞌom kan ri Abraham rukꞌ ukꞌiyal puaq chike ri ralkꞌoꞌal kan ri Hamor, chilaꞌ Siquem.
17»Yey ekꞌuchiriꞌ katajin roponik ri qꞌij echiriꞌ ri Dios kuꞌana na rubꞌiꞌtisim che ri Abraham, taq ri ralkꞌoꞌal rire lik xekꞌiyar chilaꞌ Egipto.
18Tekꞌuchiriꞌ, xyaktaj jun chik rey chiriꞌ Egipto; ekꞌu rire na xretaꞌmaj ta uwach ri José.
19Waꞌ wa rey xebꞌusok ri qatinamit ojertan. Lik xebꞌuya ri qatiꞌ-qamam pa kꞌaxkꞌobꞌik, ma xtaqan che kekamisax ri kichꞌutiꞌq e alabꞌo chaꞌ jelaꞌ na kakꞌiyar ta kiwach ri qatinamit.
20»Chupa taq kꞌu riꞌ laꞌ la qꞌij xalax ri Moisés y e jun chomilaj akꞌa chwach ri Dios. Ekꞌu rire oxibꞌ ikꞌ xchajix xa xeꞌlaqꞌay pa rocho ruqaw.
21Pero echiriꞌ na utz ta chi kewax pa ja, xesax bꞌi y xeꞌriqitaj lo ruma rumiꞌal ri faraón; y waꞌli xukꞌiyisaj y xuꞌan pachaꞌ ralabꞌ che.
Hechos 7
Hechos 7:12-21