HECHOS 3:12-15

¹²Dzigo rëbchaa Pedr lo zho: ―¿Pe rac to? ¿Pe nacne squitaa rzee zdoo to, squitaa rwi to lo no, zig nac zeeṉe no bdziuuṉguiac meṉ rii, zig nac zeeṉe por nguzobdiidz no lo Dios gane brieelo psëë no me?

¹³Goḻgacnaṉ gaṉle led scada; sinque Dios meṉ ne bliladz Abraham, meṉ ne bliladz Isaac, meṉ ne bliladz Jacob, meṉ ne bliladz grëraa xmeṉgol ne, meṉ co blu lo to niina ne nli meṉ nroob nac Xpëëd me Jesús. Lëë Jesús co ga goṉ bnaaz to, bloo to me ladznia zhiwxtis ne, ni zeeṉe gocladz Pilat nsilaa Pilat me, pe liaadz to ndeed to diidz.

¹⁴Bdeete to diidz nlaa meṉ ne nac meṉ ndzon, meṉ ne peet xtoḻd; leḻ bnab to blaa tib zha ntseeb ne nzëëb ngutoo.

¹⁵Laa me, pquia to haxta beet to me, ni me nac meṉ ne rdeed guieḻmban. Per bleeban Dios me, ni mban me niina; sac grop lo no bdzioṉ no me.