1Cabero jĩca rʉmʉ tunu Pedro, Juan mena yucʉ bui muipu cʉ catʉja rui áto a las tres cãno Dio wiipʉ cáaájuparã. To capaʉ cãno camaja Dio wiipʉ cáaánucuñuparã, Diore jeni nʉcʉbʉgorã aána.
2To bairi Dio wiipʉ Pedro, Juan mena na cáaáparo jʉgoyeacã camajocʉre cáaá majiquẽcʉre cʉ cane aájuparã aperã. To cãnacã rʉmʉ to bairona Dio wiipʉ jope tʉpʉ cʉ cacũnucuñuparã, Caroa Jope cawamecʉti jope Dio wiipʉ, cajãa ejarãre niyeru cʉ jeni ruiato ĩrã. Nemoopʉ to bairona cabuiaricʉ cãñupʉ.
3To bairi Pedro, Juan Dio wiipʉ jãagarã na caejaro tʉjʉ: —Niyeru yʉ jooya, caĩbajupʉ.
4To bairo cʉ caĩro Pedro, Juan cʉ tʉbea tʉjʉ: —Jã tʉjʉya, cʉ caĩñupʉ Pedro.
Hechos 3
Hechos 3:1-4