HECHOS 2:12-17

¹²Jilee'²¹mo tsa'goo²¹‑tsi pe joon jo 'øøi'²¹‑tsi 'ee galɨ́². Joon gaunngɨɨ¹ɨ ruu'²¹i: ―¿Ee 'øøi'²¹‑tsi jilaa'²¹ 'elo?

¹³Pe 'inlɨ́ɨi¹³gɨ ungøø¹i, jin'²in: ―Tsá² 'íin¹mo no.

¹⁴Joon gajmaa¹a Tʉ́³ siin'¹³in coon'¹³ jɨ dyajaain²¹ apóstoles catyaai² do joon gafaa'²¹a tá² jin'²in: ―Tsá² seein²¹ Israel, joongɨ coon'¹³ tsá² seein²¹ Jerusalén, cwoliñí²ii' 'elo. Joongɨ nʉ́ʉ²duu' coon'²¹ tún² 'e ifo'³oo lo.

¹⁵'In tsañʉʉ'¹ lo jon' 'in 'íin¹ no la lɨ́² 'e 'ɨ¹‑'oo' tsʉ 'aa²¹gɨ lo. Jo mo tɨ́² 'ii'²¹ wa'a ngɨ¹ tsá² 'íin¹. Jiin'¹³ la 'iin²¹ ñʉ́² ningóo¹.

¹⁶'Elo‑o gatsín¹ 'e gajin'² 'in gafaa'²¹a júu³ tya' Dios calɨɨ sii²¹ Joel. Joel do gajin'²in:

¹⁷La lo‑o gajin'² Dios: La nʉ'gɨ mi 'iin² juncwii²¹ icwo'³oo Espíritu Tyʉ́² tyiia la jileei'²¹ 'in taain²¹² fu juncwii²¹. Yʉʉn²¹ tyii'i tsañʉʉ'¹ coon'¹³ yʉʉn²¹ tyii'i tsamɨ́² ifaa'²¹a cwáain¹ tyiia. Joongɨ sɨmii'²¹ sá² coon²¹ iní²i. Joongɨ yʉʉ'¹³ icwuu²¹mo ilisá² tyisáa² tya'a.