Hechos 18:6-7

⁶Pero dsaˉ heꜘ gaꜙløøꜗ ji̱i̱yh˜ juuˈ kya̱a̱hˊ Paaˊ, hiꜙ gaꜙmiꜙkwa̱yhꜗ kaˉlähꜘ. Heˉja̱ˉ gaꜙkyahꜘ Paaˊ hmɨɨhˉ kihꜗ, gaꜙjäyhꜘ: —Dsooˊ kyahˈ hñaahꜗ baˊ hnähꜘ naˉ, heˉ ju̱u̱hꜘ hnähꜘ läꜙ maˉnaˉbä̱ä̱hˋ ja̱ˉbaˊ hnähꜘ kya̱a̱hˊ dsoˊkyeˉ. Saꜙ chaˉ dsooˊ dsë̱ë̱n˜ niꜙ miihˉ. Naꜗ taꜙ chaˊnëˊ naˊka̱nˋ juuˈ laˉ kihꜗ dsaˉ hi̱ˉ saꜙ la̱a̱ꜗ judiu baˊ.

⁷Yaꜙhë̱ë̱yꜗ nehꜙ gwahꜙ ja̱ˉ, ngooyꜗ chaˊnehꜙ kihꜗ ja̱a̱ˉ dsaˉñʉʉhˉ hi̱ˉ che̱e̱ˉ Justo hi̱ˉ maˊ gyaˈ jä̱hꜙ jeeˊ chihˈ gwahꜙ. Hi̱ˉ heꜘ maˊ ga̱hꜙ Dio.