Hechos 17:16-18

¹⁶Lat nu Baly blez yu Silas nu Timoteo Atenas, tonaꞌ la deet guc nañ lardooy ornu bzaac yu nu dzi zañ nab nguaa gyedz zeꞌ.

¹⁷Ndeꞌ nu beey riidz nu de mbecy Israeel nu deꞌ zir mbecy nu driib zily Ñgyoozh nañ yuꞌ zeꞌ nu rsyaꞌ dey riidz nu bzeeñ mi. Nunu de dzi la beey riidz nu cyu ziꞌl mbecy nu byap yu lat yagyiꞌ.

¹⁸Orzeꞌ la be mbecy nu rsyaꞌ leey nu la epicúreos nu la be mbecy nu rsyaꞌ gaꞌ leey nu la estoicos brugyiꞌ nu zi ro nu dey Baly riidz. Orzeꞌ na dey: ―¿La coz rnii mbecy nu dzi zaab ga ruꞌ re? ―na dey. Orzeꞌ tub nacaꞌ mbecy nay: ―Rlyu nu rzat yu ñgyoozh nu walab ñgyoozh guledz ―na dey. Ni rnii dey, gun Baly rshaal yu riidz ni Jesuuz, nunu rshaal yu riidz nu lac byabañ mi despuees nu bi gut mi.