Hechos 15:14-20

¹⁴Simón Pedrone miza Dios Judío awachiruza ñamin kiwainara aumɨza kainanara. Diosne usparuza nanara, paiña kwalkas namanapa.

¹⁵Dios pit kainammtuz pararawane, uspane sun kwinta kiara. Dios pɨnkɨhkin ka para:

¹⁶“Sun kitpane, nane mamaz payura kailnash, mɨnpazhara, David mikwarakana, uzninnapa. Mazara, Davidpa kwalkis kakulninnash. Nukkultɨtmikasha mamasa kakulanash. Nane kail kit Jesústa kakulninnash,

¹⁷wan nukkultaruzkas wan Judío awachiruzkas Anpatta sayanapa, Diosta piantuzkasa wanmakkanapa, usparuza ɨninnanapa.

¹⁸Anpatne, an ñamin kaiztamikane, sunkana paiña pit kaiz kit awaruza piankamninnara.”

¹⁹Katmizna Santiagone min kit ka kurunnamɨzta: Aune Judío awachiruza, Diosta piantuza, tɨnta ɨnintachiwamakpas, Moisés Judío awaruza ɨnintɨt aizpa mɨanapa. Mane uspane ñamin nɨjkularɨt aizpa chɨhkaarawa, Diosta kanpaana.

²⁰Aune usparuza ka parawamakpas: “Awakanain iztɨt sarɨtta tɨra kumira unatne, kuman. Kasarakirɨtne mamaz ashampara sanachi. Kawarain ashampane mamazpa ampukasa pitsachi. Chiwazha tɨt kuhtɨt kalpa irane, aimpi puztakine, ña kuman. Kalpa pi kwarɨtne, kuman. Aimpikas kuman.”