19Usne wan Canaán sura uztuza piantaninnara, au an ñancha kwal uspa su sappanapa.
20Ampara cien año cincuenta añokasa pailtawane, uspane sun su sappara. Kwiztane Diosne ɨnintuza ɨninnara, Israel awaruza ɨninnanapa, Samuel, Diospa kainammmika amtu payukima.
21Suasne uspane an katsa mikwara Diosta paikuara, usparuzpain ɨninnanapa. Suas Diosne Saúlta nara, usparuza ɨninnanapa cuarenta añokima. Usne Cispa painkul azi. Usne Benjamínpa kwal azi.