3Ekꞌuchiriꞌ xrilo lik xukꞌul kikꞌuꞌx raj judiꞌabꞌ ri xꞌan che ri Jacobo, xutaq uchapik ri Pedro. Waꞌ xuꞌan chupa ri nimaqꞌij Pascua echiriꞌ katij ri pam na jinta levadura che.
4Ekꞌuchiriꞌ chapom chi ri Pedro, ri Herodes xutzꞌapij pa cárcel y xuya pakiqꞌabꞌ kajibꞌ mutzaꞌj soldados re kakichajij, yey wa soldados e kajkaj chujujunal mutzaꞌj. Ri xuchꞌobꞌ ri Herodes e kꞌate karesaj lo ri Pedro chikiwach ri winaq re ri tinamit echiriꞌ ikꞌowinaq chi ri nimaqꞌij Pascua.
5Kꞌo kꞌu riꞌ ri Pedro pa cárcel lik chajital chi utz. Yey ri kikojom rubꞌiꞌ ri Cristo na kebꞌuxlan ta che uꞌanik orar chwach ri Dios puwiꞌ rire.
Hechos 12
Hechos 12:3-5