6Ne or wen mwiin naa kwan nzo leen lara, tsa mwiin re maa nayii, re maa thap nii, re maa kuu ndedoob lo yu ne re maa nlazbi.
7Tsa mbin na thib bos kuu mne lon: “Pey, gwateli, beth maa ne dow maa”.
8Ora nzhapʼn: “Gagte Zha Nabee, tak neeka thib welt ter wun maa kuu nambit, maa kuu nzhowt men”.
9Tsa lee bosa mre mni lon desde lobee tedib welt ne ne lon: “Loka kuu mtembiʼa Diox gabta nambite”.
10Tson welt ngok koree, tsaraa mrey ngwape lobee tedib welt.
Hechos 11
Hechos 11:6-10