21Ja Ibon atipana koshi jato betan iketianra, ichaxon ja moatian jaton jakonma axébo jenetaanan, non Ibo ikonhakana iki.
22Jatian ja Jerusalénhain iká joi akaibaon, jaskara joi ninkáxon, Bernabé Antioquíain raankana iki.
23Nokóxon, Diossen jatoki jakonhakin shinannai onanax, ikonbiresi Bernabé raroa iki. Jatíbira jato eseanan yoia iki, ponté shinanyaxon non Ibo chibankin jeneyamakin, jan yoiai keskábo senenhaxonkanon ixon.