1Sup baing ngabagu Urana uleginam luwadi luwadi dili mana titi subingang luwadi luwadi, disoxauti yang titiam luwadi luwadi labu diyubua titi kimbo tega kimbo xaidiu tai.
2Baing ngabagu Urana uleginam tela muli haing karagia ma, rai Urana walingam mogunganoa ma. Wagi sabanga na uleginam luwadi luwadi Urana sina haringinga ba dahanggalangia titia xaung tega ba:
3“Labu ahanggalangia titia kimbo tega kimbo xaidiu tai, laing am gata mogungua mana Urana kiria lipuxing oxatamdi ramramodingdi to.”
4Baing ngalungu lipuadi dita mogungua manadi titingadinga bila: 144,000 mana Isrel bakbak longgalo.
512,000 bakbakka Yuda lipuxindi daxap mogungua, 12,000 bakbakka Ruben lipuxindi bila balau, 12,000 bakbakka Gad lipuxindi bila balau,
612,000 bakbakka Asa lipuxindi bila balau, 12,000 bakbakka Naptali lipuxindi bila balau, 12,000 bakbakka Manasa lipuxindi bila balau,
712,000 bakbakka Simion lipuxindi bila balau, 12,000 bakbakka Libai lipuxindi bila balau, 12,000 bakbakka Isaka lipuxindi bila balau,
812,000 bakbakka Sebulan lipuxindi bila balau, 12,000 bakbakka Yosep lipuxindi bila balau, 12,000 bakbakka Benyamin lipuxindi bila balau daxap mogungua.
9Sup baing maxagia ngabagu buranga sabanga sibuna lipu tela sanga ba titidi te. Ding mana numanuma longgalo, bakbak longgalo, sangga mugixing longgalo xaung xuaxua longgalo. Dili kabukabu xaitamoxiam maxania xaung Sipsip Tutubina maxania. Disau imang usamang maxaxayamdi saing dituxu galung londi rimadingia.
10Saing duwagi sabanga ba: “Haringinga ba xapkam muli ma ranguangtang Urana amia, ina rung kabukabu xaitamoxiamia, xaung Sipsip Tutubina.”
11Urana uleginam longgalo dili taxiya kabukabu xaitamoxiamia xaung taxiya lipu haringindi xaung taxiya axamang walingam luwadi luwadi. Ding digung kiding tuxundi, dituru mari kabukabu xaitamoxiam maxania saing disabu mana Urana.
12Daharua ba: “Maxung sibuna! O Urana amia bungingbunginalo am gaiti yama, am gaharua ba ung lipu ralanam xaung uxabia axamang longgalo xaung xai sibuna maung xaung ung lipu sabanga xaung ung lipu haringingam xaung ung sanga mana ulibu axamang longgalo. Maxung sibuna!”
13Saking lipu haringinadi ba tela xusunga nga ba, “Lipuadi disau imang usamang maxaxayamdi ba, ding gaxarea, dima bi ma?”
14Ngahaxuya ba, “Lipu sabanga, uxabiau!” Baing harua ba, “Lipuadi ba dima mana mauxangang sabangga xap titia ba. Didamia imangiding maxaxayamdi Sipsip Tutubina sibinia saing alaba libu imangidingdi disok usamana.
15Binabu, “Dili Urana kabukabung xaitamoxiam maxania saing dituxu oxatanoa xaidap yambong numang sabungamia, saing lipua rung kabukabu xaitamoxiamia bagula wasa manadi.
16Bagula gesagiding muli te, bagula waxudingtuandi dimamasa muli te. Xaidaba bagula xanidi haringina muli te, yang saliana bagula saladi muli te.
17Namua na Sipsip Tutubina wa kabukabu xaitamoxiamia bagula wasa manadi bila lipu sipsip wasanganama. Bagula xaidi mala lang maxamaxang walingamia. Baing Urana bagula sisia maxading langing longgalo mana maxadingdi sanga ba ayangading muli te.”
