Golle Nelaaɓe 19:23-28

²³E oon wakkati, fitina mawɗo waɗi sabaabu laawol Joomiraaɗo ngol.

²⁴Baylo ndaneeri biyeteeɗo Demeteriyus ana tafa cuuroy kaalisi nanndukoy e rewrudu tooru biyeteeɗo Artemis. Omo heɓa hen tino heewngo, kanko e gollooɓe makko.

²⁵O reentini ɓeen e woɓɓe ɓe nanndi golle, o wii ɗum'en: —Yiɓɓe, oɗon anndi e oo ɗoo golle keɓal meeɗen ngal fawii.

²⁶Oɗon njiya, oɗon nana Pool majjinii yimɓe heewɓe, wanaa ley Efeesu ɗoo tan, ley leyɗe Asiya fuu. O haalani ɓe kulle deweteeɗe ɗe yimɓe moƴƴiniri juuɗe mum'en ɗee nganaa deweteeɗe.

²⁷So jokkii nii, yimɓe mbonnan golle meeɗen. Wanaa ɗum tan, yimɓe ŋoottan teddinde rewrudu Artemis nduu duu, tooru men mawɗo mo hoɗuɓe Asiya e aduna oo fuu ndewata oo.

²⁸Nde ɓe nani ɗiin haalaaji ndee, ɓe mettaa sanne, hedde eɓe ngulla, eɓe mbiya: —Artemis Efeesunkooɓe yo mawɗo! Artemis Efeesunkooɓe yo mawɗo!