Golle Nelaaɓe 19:20-25

²⁰Hono nii, haala Joomiraaɗo kaa ɓeydorii saakaade e heewde semmbe.

²¹Caggal ɗum, Pool fellisi seekude Makedoniya e Akaya faade Urusaliima. O wii: —So mi tilike ton, waajibi mi yaha Roma duu.

²²O neli gollidooɓe makko ɗiɗon, Timote e Erasta, njaha Makedoniya. Kanko, o faɓɓi Asiya.

²³E oon wakkati, fitina mawɗo waɗi sabaabu laawol Joomiraaɗo ngol.

²⁴Baylo ndaneeri biyeteeɗo Demeteriyus ana tafa cuuroy kaalisi nanndukoy e rewrudu tooru biyeteeɗo Artemis. Omo heɓa hen tino heewngo, kanko e gollooɓe makko.

²⁵O reentini ɓeen e woɓɓe ɓe nanndi golle, o wii ɗum'en: —Yiɓɓe, oɗon anndi e oo ɗoo golle keɓal meeɗen ngal fawii.