Text copied!
CopyCompare
Tungarar Jehobald YARILDEWALLIN - Genesis

Genesis 4

Help us?
Click on verse(s) to share them!
1Adame nglemin ityan Eve napalle: Eve ile punden ityan Cain; yarnin itye, luku Jehovile pempir ityan an angk korn.
2Wunyile punden ityan kinauwe tarte Abel. Abel ile munguwun an sheepe, Cain ile kaltin an toone.
3Yaral nunggar, Cain ile pempir ityan fruitowe toonald inangk Jehovah.
4Wunyile Abel morrokkir an firstlingar flockald, bailpuli sheepar, kar pena;uramb inangk Jehovah. Wunyitye Jehovah pultin an, yar ile Abel pempir.
5Nowaiy itye pultin an yar ile Cain pempir. Ngrakkuwallin itye Cain, nyenunkun itye.
6Jehovah itye yarnin inangk Cain, luku, mekimb inde ngrakkuwallin, mekimb inde nyenunkun.
7Ungunuk inde nunkowarrin kuntun el ap; ungunukinde wirrangwarrin, wirrangi um amb itye yummun. Kitye um pornani um, nginte ityan taiyani.
8Cain meruwallin al yan Abel kinauwe tarte yaral engk ngoppun ruwungai, prakkir itye Cain, wunyile yan mempir pornuramb Abel.
9Wunyitye Jehovah kurrin ityan Cain, Yangi Abel mai tarte? Werentun itye, Nowaiy ap nglemin; yarild atyan atte moerpun anai tarte?
10Yarnin irye Jehovah, luku, minyinde ellir; umauwe tartean krewe, itye kaikundun an angk ruwenend.
11Nginte, wirrangi in anyiril ruwe, hil amb uk ruwe itye ramir kinauwe tore, muttur ile yan mai tartean krewe.
12Ungunuk inde kaltani an toone, nowaiy el ellani itye prityin um ambe. Yammin uwar korn inde el ellani, nginbund amalde inde el ellani ruwungai.
13Yarnin itye Cain, luku, Anauwe punishment itye multuwarrin an ambe.
14Nak our, nginte prildir an ruwanmant hikkai nungge; nampundelani ap umanyiril; ngape el ellani, yammin uwar korn, nginbund amalde ruwungai; luk ar ellani ngruwar ungunuk ar pindyani an, wunyar mempani an pornuramb.
15Yarnin itye Jehovah, inangk Cain luku, Hil amb uk, ungunuk korn mempani an Cain, marnmani atte ityan seven times. Jehovil yuppun pittue Cainungai, wunyar tarno kornar ityan mempani, ungunuk ar ityan pindyani.
16Ngoppun itye Cain kinanyirenend Jehovahnend ruwenend, wunyitye lewin Nodald, lare muntunt Eden.