Gehegehedira 13:8-14

⁸Ma gaia na mane kibo tara holoa nia Elymas te tughuru pungisira rogaira, me liliu kehaa na vunaghi ke bei taluutuni.

⁹Ma Saul, na ruani na ahana Paul, te vonughia na Tarunga Tabu, me pelaa na mane kibo

¹⁰me ghaghua, “Ighoe na dalei Satan! Ighoe to kanahaghinighi na lei totobo te maemane. Ighoe te vonughigho na kikokiko mana lutu sorisori. Ko mua soko na va kekeliana na halautuna Lord te maemane.

¹¹Ma Lord ke talua na limana tana vuvungamu ge ke detegho itaeni, mo ko rorodo. Ko mua reirei tana pile bona vaghana eni.” Elymas te kuvihia na matana na gavu, me ole kolili te kenea siki sakai ge ke hulia nia na limana.

¹²Mana vunaghi haba te righia na hava te kale, me nighi hare nina bosa ni tarai a Lord, ge taluutuni ga.

¹³Ma Paul ma gaira lei kulana tara selo mai Paphos mara vaa toghoni i Perga, na komu sule lokana na bubulo Pamphylia, ma John Mark te sanira iga me pulohi Jerusalem.

¹⁴Ma rogaira toro sania Perga moro vaa sara i Antioch i lokana na bubulo i Pisidia. Tana Sabbath rogaira toro vaa haghe tana vale kokoeliulivuti ni Jew moro sopou iga.