Génesis 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Nopga shäryara Sbörë so e om go kjoyoe. Shäryara domer, wal̈ë. E kjimtara, ga koiara «nopga». Ëre ba tjëyo tek beno ba irgo l̈i kjibokwoyo.

³Adán, e öötong l̈u pjl̈ogl̈o sak dbäw kjingsho sak myashko (130) ga wa buk kjl̈ara domer so e om go kjoyo, ga koiara Set.

⁴E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho sak myashko (930) ga wol̈onoe.

⁶Set, e öötong l̈u pjl̈ogl̈o sak dbäw kjingsho shkëngshko (105) ga wa buk kjl̈ara ko Enós.

⁷E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho sak kjwara kjingsho pjökshko (912) ga wol̈onoe.

⁹Enós, e öötong l̈u pjl̈ogl̈o sak shkawshko (90) ga wa buk kjl̈ara ko Cainán.

¹⁰E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho shkëngshko (905) ga wol̈onoe.

¹²Cainán, e öötong l̈u pjl̈ogl̈o sak kjäkshko (70) ga wa buk kjl̈ara ko Malalel.

¹³E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho sak kjwarashko (910) ga wol̈onoe.

¹⁵Malalel, e öötong l̈u pjl̈ogl̈o sak tjer kjingsho shkëngshko (65) ga wa buk kjl̈ara ko Jared.

¹⁶E irgo ga wapga weno obi. Ga l̈u ĩno öötong sak dbäw pjl̈ogl̈o kjwong kjingsho sak shkaw kjingsho shkëngshko (895) ga wol̈onoe.

¹⁸Jared, e öötong l̈u pjl̈ogl̈o sak dbäw kjingsho sak tjer kjingsho pjökshko (162) ga wa buk kjl̈ara ko Enoc.

¹⁹E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho sak tjer kjingsho pjökshko (962) ga wol̈onoe.

²¹Enoc, e öötong l̈u pjl̈ogl̈o sak tjer kjingsho shkëngshko (65) ga wa buk kjl̈ara ko Matusalén.

²²E irgo ga wapga weno obi. Enoc, e Sbö woydë owa l̇l̇ëm, ga jëk shäng ba tjok ĩyado. Ga l̈u ĩno öötong sak dbäw pjl̈ogl̈o mya kjingsho sak tjer kjingsho shkëngshko (365) ga söra Sbörë to, ĩnaba ame.

²⁵Matusalén, e öötong l̈u pjl̈ogl̈o sak dbäw kjingsho sak kjwong kjingsho kjäkshko (187) ga wa buk kjl̈ara ko Lamec.

²⁶E irgo ga wapga weno obi. Ga l̈u ĩno öötong sak dbäw pjl̈ogl̈o shkaw kjingsho sak tjer kjingsho shkawshko (969) ga wol̈onoe.

²⁸Lamec, e öötong l̈u pjl̈ogl̈o sak dbäw kjingsho sak kjwong kjingsho pjökshko (182) ga wa buk kjl̈ara domer.

²⁹Ga tjl̈ẽ ga «Shji parkë ara kjok ëre kjing go, kjok l̈i äyoshtara Jehovárë kjĩshko. Gueniyo chida ërera shji ie ber l̈öng woshtë» l̈e. E kjĩshko ga ba wa l̈i kowara Noé.

³⁰E irgo ga wapga weno obi. Ga l̈u ĩno öötong sak dbäw pjl̈ogl̈o kjäk kjingsho sak kjäk kjingsho kjäkshko (777) ga wol̈onoe.

³²Noé, e öötong l̈u pjl̈ogl̈o sak dbäw pjl̈ogl̈o shkëngshko (500) ga wapga tjeng domerga dogl̈o mya, Sem, Jafet, Cam.