Filemonta 1

1

¹Nuka, Jesu­cristo­manda willas­ka­manda­mi kai karsilpi wich­ka­raiani. Waugki Timo­teo­wa kaspa, kam kuiaska nukan­chi­sina­lla­ta­ta willag Filemon­ta­mi kai karta kachaiki.

²Chasa­lla­ta pani Apiata, nukan­chi­sina alli suldadu­sina waugki Arki­pota i kamba wasipi tan­da­rispa Cristo­wa tukus­ka­kuna­ta­mi kaita kachai­ki­chita.

³Nukan­chipa Taita Dius i Iaia Jesu­cristo, kam­kunata kuiaspa, suma iuiai­wa kawa­pua­chu.

⁴Kam Iaia Jesus­wa suma iuia­rispa, paita iapa kuiag kas­ka­ta­mi iachani. Chasa­lla­ta, Taita Dius­man­da­lla tukui kaug­sag­kunata kam alli­lla kuiaspa aidas­ka­manda­pas­mi iachani. Chi­manda nuka, ima­ura­pas kam­manda nuka­pa Taita Diusta mañaspa, Pai Siñur­mi nini.

⁶Kasa­mi Taita Diusta maña­puiki: kam nukan­chi­sina Taita Dius­wa iuia­rig­manda, Cristo­lla­ta­ta nukan­chita tukuipi alli­lla kara­mus­kata kam iachag­samun­ga­pa.

⁷Kam waug­kita: Pai Siñur­mi niiki, Taita Dius­man­da­lla kaug­sag­kunata kuiaspa, alli­lla aida­puas­ka­manda. Chasa iachas­paka, nuka­pas, kun­tin­ta­rispa, iapa alli iuia­chii­wa­mi kani.

⁸Kasa­pasmi niiki: nuka, Cristo kikin aglla­waska kag­manda, kamta nin­ga­pa­mi pudiiki, imasa ruran­ga­pa chaiagta.

⁹Chasa pudis­pa­pas, kuia­na­kus­pa­mi kasa mañaiki. Nuka Pablo, ña ruku­mi kani. Jesu­cristo­manda willaspa puri­kug­man­da­mi kuna­ura kai karsilpi wich­ka­raiani.

¹⁰Nuka kaipi kan­kama, waugki Onesimoka, Jesu­cristo­wa suma iuia­rig­samuspa, nuka­pa wam­bra­sina­mi tukug­samurka. Pai­man­da­mi kamta kasa maña­kuiki.

¹¹Onésimo, ñugpata kamba lutrin kaspa, kamta ñi imapa mana bali karkachu. Ikuti kuna­uraka, kam­manda i nuka­manda­pas iapa suma rurag­mi tukug­samurka.

¹²Paita kuti­chi­kuikimi. Imasa­mi nukata suma chas­ki­wan­trangi: chasa­lla­ta pai­ta­pas suma chas­ki­puangi.

¹³Paita muna­kurka­nimi, nuka­wa kida­richu; chasaka, nuka Alli Willai­manda wichka­raias­kapi kan­kama, kamba kuintapi pai aida­wan­ga­pa.

¹⁴Chasa iuia­kus­pa­pas, kam manara “Ari” ni­wan­kama, mana muna­ni­chu chasa ruran­ga­pa. Chasaka, kam mana aida­wan­kangi­chu nuka nis­ka­manda. Kam kikin iuia­rispa munag­pi­mi chasa aida­wan­kangi.

¹⁵Onésimo, kamba ladu­manda mana­char iapa unaika anchu­rirka. Kuna­ura­mandaka, ima­ura­pas­mi kam­lla­wa kan­ga­pa ka.

¹⁶Kuna­ura­manda, kamba lutrin­ta­sina mana cha­ringi. Lutrin­manda­pas mas alli­lla­mi ka­pun­ga­pa kangi. Kuiaska waug­ki­mi kuna­ura­manda ni­raian­ga­pa ka. Pai, ñami nuka­pa kuiaska ka­puá. Kam, mas­mi iukangi paita munanga; pai runa kag­manda­lla, mana; Iaia Jesus­wa nukan­chi­wa pariju iuia­rispa kag­manda.

¹⁷Imasa­mi nukata kamba alli waug­ki­ta­sina iuia­ri­wangi: chasa­lla­ta nukata chas­ki­wag­sina pai­ta­pas chas­ki­puai.

¹⁸Pai ima­pi­pas pan­da­riska kagpi u ima apaska kuti­chin­ga­pa chaiag­pika, nuka­mi kuti­chi­saki.

¹⁹Nuka Pablo, nuka kikin­pa maki­wa­mi iskri­biiki, nispa: nuka­mi kuti­chi­saki. Chasa nis­pa­pas, nuka nin­trai­ki­char, kamta nuka­pas dibi­chiska kagta, Alli Willai­ta iacha­chis­ka­manda.

²⁰Ari, waugki, kam Iaia Jesus­wa iuia­rispa, nuka nis­kata alli­lla rura­puai. Chasa ruras­paka, Cristopa kaspa, nukata alli­lla­mi kun­tin­ta­chi­wan­kangi.

²¹Nuka nis­kata kam ruran­ga­pa kas­kata iuias­pa­mi kai kartata kachaiki. Kam, mana nuka mañas­ka­lla­ta ruran­ga­pa kangi­chu. Mas alli­lla ruran­ga­pa kas­ka­ta­mi iachani.

²²Kasapasmi mañaiki: wasi mas­ka­puai, nuka chaiag­ri­ura, chi­siag­rin­ga­pa. Kam­kuna Taita Diusta maña­pua­na­kus­ka­manda­mi suia­kuni, pai uiaspa, kam­kuna­pagma kacha­wa­chu.

²³Jesu­cristo­manda willas­ka­manda, nuka­wa wichka­raiag waugki Epafras­mi kamta: “Puangi” ni­ku.

²⁴Nuka­wa Alli Willai­ta willag waugki­kuna Marcos, Aris­tarko, Demas i Lucas­pas­mi, “Puangi” ni­nakú.

²⁵Iaia Jesu­cristo, kam­kunata sumag­lla kawa­pua­chu. Chasa kachu.