11 Ti yóó dɑ dɔ̀ɔ̀ mɛsɔɔ nkó mɛdɛ̀ì mmɛ, kɛ́ mɛ dɑ̀ri timɑ́tì pɛ́ítì.
12 Okpɑ̀ɑ̀tì bonɛ̀mu o kɔbɛ kɛ̀ n kó mɛteniɛ nfɔ̃ɔ̃mɛ kó kufɔ̃ɔ̃ku yiɛ̀.
13 Odɑsɑ́ɑ́tì n yɛ̀mmɛ̀ kou ɑ dò m borɛ̀ tùdɑ̀ɑ̀rí bɛ̀ tu wè míírì o kó fɛbɑtifɛ nfɛ. Kɛyènkɛ̀ ɑ ɔ̃ nduɔ́ m mɛ sɑku nku.
14 N dɑcɛ̃nnì n yɛ̀mmɛ̀ kou ɑ dònnɛ̀ mutie bɛ̀ tu mù ɛnnɛ́ɛ̀ mu kó mupóó mmu, mùù bo fínyĩ̀ kó kupɑku miɛkɛ.
15 M pocɛ̃nnì n yɛ̀mmɛ̀ kou ɑ wennimu, kɛ mɛ̀nkɛ wenni. Kɑ̀ɑ nuɔ ndò nfɛduonfɛ kpɛyi.
16 N dɑcɛ̃nnì fɔ̃́, ɑ wennimu kɛ mɛ̀nkɛ wenni. Ti kó didɔ́ù yɔ̀ɔ̀ nkɛ dònnɛ̀ tifɑ̃ɑ̃̀bɛ́ntì nti.
