Föför 10:43-48

⁴³Ekewe soufos meinisin ra pwärätä usun i o apasa, pwe meinisin mi lükü i repwe küna amusamusen ar tipis kana pokiten itan.”

⁴⁴Lupwen Petrus a chüen kapas, ewe Ngünmifel a feitiu won chokewe meinisin mi rongorong ngeni an afalafal.

⁴⁵Ekewe chon lükü Jesus mi etato Petrus seni Joppa, ir chon Juta, ra mairü pwe Kot a pwal fangeto an lifang, ewe Ngünmifel ngeni chon lükün Israel.

⁴⁶Pun ra rongorong pwe ir ra kapas lon kapasen ekis o fokun mwareiti Kot. Mürin Petrus a apasatä,

⁴⁷“Ekei aramas ra angei ewe Ngünmifel usun chök äm aia angei. Ifa usun, eman a tongeni epetiir ar repwe papatais ren koluk?”

⁴⁸Iei mine a allük ngeniir pwe repwe papatais lon iten Jesus Kraist. Mürin ra tüngor ngeni Petrus pwe epwe nonom rer ekoch rän.