Etanta-nakari 49

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Ikaemakiri Jacob maawoeni itomipaeni, ikantakiri: “Pontsirokena okaakiini, nokamantatyeemirowa okaate awijimotemini paata.

²¡Itomipaeni Jacob! Pipokaeyeni okaakiini pikemantyaari. Powayempitatyaariri pipaapate Israel.

³Eeroka Rubén, neewarite notyomi, Noshintsinka noyimi, eerokataki etakaantanakawori noshintsinka, Eeroka etawori ipinkatheetzimi, oshekitzimotzimi pishintsinka.

⁴Ari okaatzimaetapaaka piriroperotane, Poshiyawitapiintakawo oshinchaari nijaa, Tema pitheenkaneentzitakinawo nomaamento.

⁵Rooma eeroka Simeón eejatzi Leví, pirentzi powawakaeyaani, Powamaamento powayitakiro pichekopitepaeni.

⁶Eerowa napiiteero notsipateeyeemini jempe pipiyoteeyapiintani. Tema otyahakimi paerani pimashirenka osheki atziri powamaaki. Okantakaantziro pikijawaetaka piitzinkakiiwaetanakiri piratsipaeni.

⁷Koweenkari okantaka piyatsimankari, Omaperota pikijanaka. Naaka mataperoteemini notzimpookayiteemi notsipatahaemiri Israel-ite.

⁸Rooma eeroka Judá, rajahaawenteemi pirentzipaeni. Poteeyakentsiyiteeri kijaneentemini. Ipinkathayiteemi pirentziteeyaari.

⁹Eeroka Judá, notyomitari naaka. Poshiyaari iryaani manitzi aririka ipakaeri rowari ratsikane. Roeyoota, romaryaawaeta kepatsiki, ikantaha antari manitzi. ¿Iitaka materoni oñaashirenkaerini?

¹⁰Tekatsira materoni raapithateeri ishintsinka Judá, Tekatsi aapithateerini iwinkatharimento roteeyakiri, Roojatzi ipokantakyaari ashitawori iwinkatharimento, Ikemijantawakiri inashiyitachari roshekitawakayitaha.

¹¹Riitaki oojotakoterini iyawayote oponkitziki pankirentsi rireetziri, Ikiwantawo rireetziri maawoeni iithaari, tema oshekiperotatzi chochoki rireetziri.

¹²Kameethantzi ikanteeya, tema cheenkaakiri okantayitya rooki awijanakiro ocheenkatzi rireetziri. Kitamaari okantayitya raeki awijanakiro okitamaatzi tenitsi.

¹³Inampiteeyaawo Zabulón inkaarecheraki, jempe aatapiintayita amaatakomentotsi. Ari iweyaathapiyiteeyaani roojatzi janta Sidón-ki.

¹⁴Roshiyeeyaari Isacar piratsi ikyaakahaetari, Ari makoryaapiintatsini piratsipankoki.

¹⁵Ikanta iñaawakirowa kameethari owetsikaka imakoryaanteetyaawo, Oeyootanaka inatakahaeteri. Maeriri ikantaka roshiyakahaetziri omperataarewo.

¹⁶Ipinkathariwenteeri Dan isheninka ikimitaa itsipa ipinkathariwenteeri Israel-ite.

¹⁷Roshiyeeyaari Dan maanki ijeeki awotsinampiki, Riitaki atsikakiiterini kawayo, Rowariimaetyaari kyaakotariri.

¹⁸¡Tajorentsi! Nawentahaemi powawijaakoteena.

¹⁹Ikoshekawaetaari Had owayiri-paeni, Riitaki kantacha aritaki nopiyatakyaari paata.

²⁰Riima Aser oshekitzimoteeri iwankiri rowaeyaari, Kyaariperori owanawontsi ini, oshiyaawo rowanawo pinkathariperori.

²¹Roshiyaari Neftalí maniro tekatsi ashitakoterini, Owaneenkatacha ikantayita itomipaeni.

²²Riima José roshiyaawo pankirentsi shookatziiri ocheraki nijaa, Osheki okithokinite, Ithonkiro itaayitziro otanto.

²³Osheki ikijaneenteeri omanatzinkari, Roma-natantapiinteeyaari chekopi, Ikanteetatyeeyaani roñaashirenkapiinteeri.

²⁴Riitaki kantacha José shintsishempa ikanta rirori, kijokiro royiro iwiani. Ikaminthakiri Itajorentsite Jacob Shintsiri, Okamintha iwaero kempoyaawentantaneri, kijakowentariri Israel.

²⁵Ikamintha Itajorentsite ashitzimiri, ri neshironkateemini. Riitaki Tajorentsi Shintsiperori, riitaki tajonkawenteemini. Opoñaawo itajorenka jenoki ikiteki. Opoñaawo itajorenka inthomoeyaaki inkaareki. Opoñaawo itajorenka tenitsiki eejatzi owamaarentsiki.

²⁶Okaatzira ipasonkitakotanakimi ashitzimiri, Awijanakiro okaatzi ipasonkitakotanari ashitanari naaka. Eero opeyaawo, roojatzi paata eero iñahaetantaawo eejatzi ochempi. Oshiyakawo ijeepatziitotanteetyaarimi José irokapaeni tajorenkantsi, Tema riitaki riyoyahaetakiri itsipatakari rirentzipaeni, riitaki riroperoyitaatsini.

²⁷Roshiyeeyaari Benjamín owantaneri, rananinki rowamanaari ratsikane, Arika otsireniityaane ipawakaeyaani tzimahaantapaentsiri.”

²⁸Riiyitakira isheninkapaeni Israel, rootaki ñaantsipaeni ikantanakiriri ipaapate ipasonkitakotanakari itomipaeni.

²⁹Ikantanakiri itomipaeni: “Okaatapaakiini nokamantyaari. Pitsipatahaenari nocharinipaeni pinkitateena, omookira iipatsiteki Efrón Het-jatzi,

³⁰jeekatsiri janta Canaán-ki. Rootaki omoowa jeekatsiri Macpela-ki, amontetari Mamre, ramanantakiri paerani Abraham itsipataakiro iipatsite Efrón, okitataaha iina.

³¹Jaha ikiteetakiri Abraham itsipatahaetakiri iina Sara, eejatzi Isaac itsipatahaetakiri iina Rebeca. Ari nokitateero eejatzi Lea.

³²Ironta kepatsi eejatzi omookira jeekatsiri janta riira Het-jatzi pimantakirori paerani.”

³³Ikanta ithonkari Jacob riyotaayitanayiri itomipaeni, ari roma-ryaanakari, kamanaki. Itsipatapaari isheninkapaeni.