Epístola 1 a los Corintios 16

1

2

3

4

5

6

7

8

9

10

11

12

13

14

15

16

¹Jisusa nemajuidau yaigtin kuichik anentag ijumkugmek, Galacianmaya Jisusa nemajin aidaun wi jintintuauwaitag dutiksagmek atumesh dutikatajum.

²Ashí tumigtin makí makichkitijum atum takasá wajupa jukiugme, nu akantsajum ukú pujutajum. Dutikamu asamtai wi taattag nuaduik kuichik ijumjata tabauk atsutí.

³Wi anuí taan atum aents etegkawagmin cartan agajan susan Jerusalén awematjai, atum kuichik anenjauch ijumjaujum nuna dekaatnume tusan.

⁴Nuna dutikachkunush, wisha wemainaitkunuk ditajai ijuntsan wemainaitjai.

⁵Tuja wi atumiin minaknuk, Macedonia nugka atú minittajai.

⁶Nuniknuk atumjai wajumak tsawan pujusta tajai, nuniachkunush yumi tepeatta nunak anuí pujusnukeash inagkeakintag tajai, nunikan wegakuish atum yainkamnujum tusan.

⁷Nuniau asan ayatak nagkaemaku wainká ukutnak dakitajime, dukapech tsawan atumiin pujusta tau asan, Apu Jisusash aatus wakegakuig.

⁸Yamaikik Efeso pujuttajai, jista Pentecostés inagkeakta tau asan.

⁹Nu jistatin imá kuashat tuwaidau asagmatai, Apu Kristu chichamen etsegkatjai tajai, kuashat aents aidau kajegtuinaigkishkam.

¹⁰Timoteo anuí taakuishkam shiig anentsajum jukitajum, niishkam wi Apu Jisukristun takajag aunak takaju asamtai.

¹¹Nunin asamtai makichkitigmekesh imanchau diisaigpajum, dutiktsuk shiig anentsajum yaigtajum ni minai minakuish, wagki wika tikich yatsug aina nujai dakaku pujaji.

¹²Atumin ijagtamsati tusan yatsug Apolosan, tikich yatsug aina nujai wetá tusan kuashtá segajai; tujash yamaikik anuí minimainjig wakegamuk atsujui, tuwig minimainji ajit duwi minittawai.

¹³Atum Jisukristui kajintsá anentaimjum nunisjumek aneaku pujakjum, aishmag wajasjum kakanmamsatajum.

¹⁴Ashí atum takaajum duka, anenkai takastajum.

¹⁵Yatsug aidauh atumek dekagme, Estéfanas nugka Acayanmaya nu niina nuwejai, uchijí aidaujai dekatkauk Apajuí nemagkajua duka, nunikaju asag Kristu nemajuidaun senchi yainawai.

¹⁶Nuaduí atumek ju aents yaimainak takaina junin aina nu tabau antugkatajum.

¹⁷Shiig aneajai Estéfanas, Fortunato, Acaico aatus tajutuawag atum dutikmaina nuna dita kuashat yaintuidau asagmatai.

¹⁸Dita mina wakanjuí ichichtujajui, aikasag atumnashkam ichichtamjajui. Aents junin aina nunú atumek puyatjusjum diimain ainagme.

¹⁹Jisusa nemajin aidau Asianmaya kumpamjamainawai. Aantsag Áquila ni nuwe Priscilajai, ditá jeenig ijunaina dushakam Apu Kristu daajin kumpamjamainawai.

²⁰Ashí yatsug aidauh, ubag Kristu nemajin batsataina dushakam kumpamjamainawai. Antsagmek atumesh makí makichkitijum pempentunisjumek shiig anendaisajum kumpamdayatajum.

²¹Wi Pablon ju kumpamdayamunak mina uwejuí agatjime.

²²Makichik aentskesh Apu Jisukristun aneachuk, ¡nigki suwimkan jukittawai! Wagki Apu Jisusak waamak taattawai.

²³Atumnash Apu Jisukristu wait anenjamjatnume.

²⁴Wika atumnak Kristu Jisusan aneag dutiksanuk aneajime. Aatus atí.