5Maimua Puerto Salamina barwi judionaan Ẽwandam iek jaaujem deg maach peerdʉajem iek jaauphöbaadëjim anʉm. Juan Marcos amach dʉ̈i arrtarr aawai magua dʉ̈i am ipierr jaaujeejim aajem.
6Mag phöbör Salamina anʉm eem khʉʉnag Ẽwandam iek jaauwia warag ich ag morr gaaipai phʉʉrdʉ wëtumua deeum phöbördam Pafos anʉm barjierram aajem. Maig woun ãb bënkhʉʉn sĩejim aajem, Barjesús a thʉ̈r sim. Mag woun sĩi nem sëunem ich bën khaugau parhooba nem wau nʉrrʉmta, iruan Ẽwandamau nem waupi simta wau chirʉm aajeejim aajem, ich iekhaupaita.