14 Rava nuaulaulana matana au kolana e mamae wate opaopana waguwaguvareina e bababara. Ma aramanei da ravai ruaḡai ai damona tagogi.
15 A vinua-notanota a pa, “Tau ma opaopana ai damona tagogina. Au nuaulaula aiwai ḡelauna ina vereu?” Au nota a pa, “Wei maiteni anona eḡa.”
16 Rava nuanuaulaulai lamna me rava opaopai amapo nai ravaii nuanuata ina vuru. Kapore! Rava nuaulaulauna ma rava opaopana e irairaḡe.
17 Tau lawana a geduaiei, au dobu aiwai anatapuna ta kaukauei iniviara ava e verevereta. Anatapuna kwakwavina, me ive taviviaḡaḡei.
