7 Ma tupuami ina naeme au doa ma aruami ina naeme God, tauverena awarina.
8 Tauviararamana i riwa, “Anona eḡa! Anona eḡa! Anatapuna anona eḡa.”
9 Tauviararamana nuanuana i ulaula kaua, ma aiwai i aramanei rava i viararamani. Riwa nuaulaulaui maḡamaḡaui i ʼavi ma i girumei ma i rereḡa-kauei.
10 Tauna riwa vinuaubana i baiei ma aiwai i girumi lamna jijimanina ma ririwa-kauana.
11 Tauviararamana riwai lamna me kwapu ma riwa nuaulaulai i gam me tutu, nuanuam ita tonatonai. Wei anatapuna Bada i vereta.
12 Anina natu, ma aramanei da kaua ḡelaui ma inana-kauei. Buka girumai eḡa ina kwa ma giruma ḡiriḡiri i vinigarigari.
