E Yoanes 9:28-31

²⁸Ngata ngnek tok, to ngat kle kpetpet o rhek ngang kam klel orom he ho ksisieng hak kam reng te, “Ai, her yin arhe to en kalkayie ormin, vanang mor e Moses kalngunes ormor.

²⁹Ngot ho mi kut mnor hak te, E Nut tmi rere kar e Moses. Vanang mang a mhel to endo ya rere mang ngot ngae ho lua mnor mang gi, ko tpal mnam ani pupnam to.”

³⁰Ngat havaeng a mhel to tok, va en tkoripang ngar ge te, “Ai, ko ho mi kut senkrip kim muk hak ekam ko a mhel to endo teharom dok tok tete, he kua nho, va muk mut lo is gi kam kol a pat mang te, tottek tam?

³¹Tennik kam ngae kais mang tete, o mia ngat lo vur ngnek hak mang a mhel lang te, en kmeharom kaela ngang ko tvipsik, en kam nho e. Mu vokom na, enangthe a mhel ta nap lo kottek ko kim E Nut va nap ho lo is hak kmeharom a ngaeha tang ko a serpgar enang endo enda teharom ngang dok tete. Nap lo is enang tok, ekam ko ngota mnor mang E Nut te, nam lua ngan vgum endruk ngta ru mnam o kerkeknen gi. Nove, nam kle ktua ngan vgum endo nam sim kut kaikkiem karo pos va kaeharom karo svil ge.”