Dagiti Salmo 57:3-5

³Manipud langit, sungbatannak ket isalakannak, inton babalawennak ti tao nga agtarigagay a mangalun-on kaniak; Selah ipaayto ti Dios kaniak ti kinapudno iti tulagna ken ti kinamatalekna.

⁴Kaduak dagiti leon; addaak kadagidiay nakasagana a mangalun-on kaniak. Addaak kadagiti tattao a kasla gayang ken pana dagiti ngipenda, ken natadem a kampilan dagiti dilada.

⁵Maitan-okka, O Dios, iti tangatang; maitag-ay koma ti dayagmo iti entero a daga.