7Pasin-awennak babaen iti hisopo, ket dumalusakto; ugasannak, ket napudpudawakto ngem iti niebe.
8Ipangngegmo kaniak ti rag-o ken ragsak tapno agrag-oda dagiti tulang a tinukkolmo.
9Ilemmengmo ti rupam manipud kadagiti basolko ken punasem amin dagiti kinadakesko.
10Parsuaem kaniak, O Dios, ti nadalus a puso ken ikkannak iti baro ken napudno nga espiritu.
11Saannak a papanawen iti imatangmo, ken dimo ipanaw kaniak ti Espiritu Santom.
12Isublim kaniak ti ragsak iti panangisalakanmo, ken ikkannak iti natulnog nga espiritu.