Dagiti Salmo 51:6-14

⁶Kitaem, tarigagayam ti kinapudno iti pusok; iti pusok impakaammom kaniak ti kinasirib.

⁷Pasin-awennak babaen iti hisopo, ket dumalusakto; ugasannak, ket napudpudawakto ngem iti niebe.

⁸Ipangngegmo kaniak ti rag-o ken ragsak tapno agrag-oda dagiti tulang a tinukkolmo.

⁹Ilemmengmo ti rupam manipud kadagiti basolko ken punasem amin dagiti kinadakesko.

¹⁰Parsuaem kaniak, O Dios, ti nadalus a puso ken ikkannak iti baro ken napudno nga espiritu.

¹¹Saannak a papanawen iti imatangmo, ken dimo ipanaw kaniak ti Espiritu Santom.

¹²Isublim kaniak ti ragsak iti panangisalakanmo, ken ikkannak iti natulnog nga espiritu.

¹³Ket isurokto dagiti bilinmo kadagiti managbasol, ken agsublidanto kenka.

¹⁴Pakawanennak gapu iti nagayus a dara, O Dios iti pannakaisalakanko, ken ipukkawkonto ti rag-o ti kinalintegmo.