26Iti agmalmalem managparabur ken managpabulod isuna, ken agbalin a bendision dagiti annakna.
27Adaywam ti dakes ket aramidem ti husto; ket natalgedkanto iti agnanayon.
28Ta ayaten ni Yahweh ti hustisia ken saanna a baybay-an dagiti napudno a sumursurot kenkuana. Maaywananda iti agnanayon, ngem maisinanto dagiti kaputotan dagiti nadangkes.
29Tawidento dagiti nalinteg ti daga ket agnaedda sadiay iti agnanayon.