Dagiti Salmo 22:16-21

¹⁶Ta linawlawdak dagiti aso, linikmutdak iti bunggoy dagiti managdakdakes; tinudokda dagiti im-imak ken saksakak.

¹⁷Mabilangko amin a tulangko. Kumitkitada ken matmatmatandak.

¹⁸Pagbibingayanda dagiti pagan-anayko, pagbibinnunotanda dagiti kawesko.

¹⁹Saanka koma nga umadayu, O Yahweh; pangngaasim ta partakam ti mangtulong kaniak, ti pigsak!

²⁰Ispalem toy kararuak manipud iti kampilan, toy kakaisuna a biagko manipud kadagiti kuko dagiti narungsot nga aso. Isalakannak manipud iti ngiwat ti leon;

²¹Ispalennak manipud kadagiti sara dagiti narungsot a baka.