Dagiti Proverbio 4:10-15

¹⁰Dumngegka anakko, ken ipangagmo dagiti sasaok, ket maaddaankanto iti adu a tawen iti panagbiagmo.

¹¹Iturturongka iti dalan ti kinasirib; idaldalanka kadagiti nalinteg a pagnaan.

¹²Inton magnaka, awanto ti agserra iti dalanmo ket no agtarayka, saankanto a maitublak.

¹³Petpetam ti disiplina, saanmo nga ib-ibbatan; bantayam, ta isu ti biagmo.

¹⁴Saanmo a suroten ti wagas dagiti nadangkes ken saanmo nga ar-aramiden ti wagas dagiti agar-aramid iti dakes.

¹⁵Liklikam daytoy, saanka a mapmapan iti daytoy; liklikam daytoy ket magnaka iti sabali a dalan.