Dagiti Proverbio 14:7-10

⁷Adaywam ti maag a tao, ta awan ti maadalmo kenkuana.

⁸Ti kinasirib ti nanakem a tao ket ti panangawatna iti bukodna a biag, ngem ti kinamaag dagiti maag ket panangallilaw.

⁹Manglalais dagiti maag no maidaton ti daton a para iti basol, ngem pagbibingayan dagiti nalinteg ti pabor.

¹⁰Ammo ti puso ti bukodna a kinasaem, ket awan ganggannaet a makabingay iti rag-ona.