Cantares 1:9-16

⁹Cuyaynë, gamga adurnuyquicunawan canqui faraonpa carrëtanta garchaj cuyayllapaj fïna yëwannömi.

¹⁰Cärayquega arëtiquicunawan cuyayllapaj achicyayparaj-achicyaycan. Cuncayquipis perlas wallgacunawan cuyayllapaj camaraycan.

¹¹Gori adurnucunatami rurapäshayqui. Yuraj guellaycunatami churapäshayqui.

¹²Ray jamarashanmanpis perfümiwan cupacushäpa asyaynenga mayacaycanmi.

¹³Nogapäga cuyaynë caycan shuti-mallwawan mïrra perfümita imaypis wallgarashänömi.

¹⁴Cuyaynë nogapäga caycan cuyayllapaj alli asyaj wayta En-gadi particho caycajnömi.

¹⁵Cuyaynë, fiyupa cuyayllapämi canqui. Rasunpa cuyayllapämi canqui. Ñawiquicunaga caycan ishcay palumanömi.

¹⁶Cuyaynë, fiyupa cuyayllapämi canqui. Rasunpa cuyayllapaj camaraj runami canqui. Runan Cämanchëga caycan berdiraycaj tajta pampami.