Caeltueih 16:34-40

³⁴Te phoeiah amih rhoi te im la a khuen tih caboei a phaih pah. Te dongah Pathen aka tangnah loh a imko te ko a hoe sak.

³⁵Khothaih a pha vaengah imtawt boei loh palik a tueih tih, “Tekah hlang rhoi te hlah laeh,” a ti nah.

³⁶Te dongah thong boei loh Paul taengah, “Nangmih hlah ham imtawt boei loh n'tueih uh coeng. Te dongah coe lamtah ngaimong la cet rhoi laeh, “ti ol te a puen pah.

³⁷Tedae amih te Paul loh, “Roman hlang la aka om kaimih he lungla maila langya ah m'boh uh tih thongim khuiah nan ng'khueh uh he a huep la kaimih n'haek uh aya? Te moenih, amamih ha lo uh saeh lamtah kaimih he n'doek uh saeh,” a ti nah.

³⁸Hekah ol he palik rhoek loh imtawt boei taengah a puen pa uh. Tedae amih rhoi te Roman hlang ni tila a yaak uh vaengah a rhih uh.

³⁹Te dongah ha lo uh tih amih rhoi te a hloep uh. Te phoeiah a doek uh kho khui lamkah nong sak ham a hloep uh.

⁴⁰Te dongah thongim lamloh cet rhoi tih Lydia la kun rhoi. Te vaengah manuca rhoek te a tong tih a hloep phoeiah cet rhoi.