5 Holoutoa gaia, nia nina manaha te gonia ni na kokou, nina dolo kikinima te kabu kasila.
6 Holoutoa gaia, te vorahia na pari tina vuvungana na beti, nina dolo kikinima te kabu kasila.
7 Holoutoa gaia te gonighi na lei marara tana oka, nina dolo kikinima te kabu kasila.
8 Na aho te vunaghi pungisia na dani, nina dolo kikinima te kabu kasila.
9 Na vula mana lei veitughu tara vunaghi pungisia na pungi, nina dolo kikinima te kabu kasila.
10 Holoutoa gaia, te matera na lei kamanagho Egypt, nina dolo kikinima te kabu kasila.
11 Gaia te hola rughuhorua Israel sania Egypt, nina dolo kikinima te kabu kasila.
12 Nia sutu na limana te laga, nia nina maana, nina dolo kikinima te kabu kasila.
13 Holoutoa gaia, te vokasia na Tahi Sisi, nina dolo kikinima te kabu kasila.
14 Gaia te uhuli tatavahalea Israel va levu, nina dolo kikinima te kabu kasila.
15 Gaia te nia rabo horu Pharaoh, ma nina ovu ni kisu mate lokana na horara, nina dolo kikinima te kabu kasila.
16 Holoutoa gaia, te uhuli tatavahalera nina vure lokana na bona mamaha, nina dolo kikinima te kabu kasila.
17 Holoutoa gaia, te labu horura na lei vunaghi laga, nina dolo kikinima te kabu kasila.
18 Gaia te matera na lei vunaghi ni malaghai asi, nina dolo kikinima te kabu kasila.
19 Sihon na vunaghidira na kema Amon, nina dolo kikinima te kabu kasila.
20 Ma Og, na vunaghi ni Bashan, nina dolo kikinima te kabu kasila.
21 God te vahera na pari ni tunuva na vunaghi raini, nina dolo kikinima te kabu kasila.
22 Israel nina tinoni lutu, nina puku na lologho, nina dolo kikinima te kabu kasila.
23 Gaia te ghanaghana olighi na talamo ni mangamami tai labe, nina dolo kikinima te kabu kasila.
