Buka Linge 136:5-23

⁵Holoutoa gaia, nia nina manaha te gonia ni na kokou, nina dolo kikinima te kabu kasila.

⁶Holoutoa gaia, te vorahia na pari tina vuvungana na beti, nina dolo kikinima te kabu kasila.

⁷Holoutoa gaia te gonighi na lei marara tana oka, nina dolo kikinima te kabu kasila.

⁸Na aho te vunaghi pungisia na dani, nina dolo kikinima te kabu kasila.

⁹Na vula mana lei veitughu tara vunaghi pungisia na pungi, nina dolo kikinima te kabu kasila.

¹⁰Holoutoa gaia, te matera na lei kamanagho Egypt, nina dolo kikinima te kabu kasila.

¹¹Gaia te hola rughuhorua Israel sania Egypt, nina dolo kikinima te kabu kasila.

¹²Nia sutu na limana te laga, nia nina maana, nina dolo kikinima te kabu kasila.

¹³Holoutoa gaia, te vokasia na Tahi Sisi, nina dolo kikinima te kabu kasila.

¹⁴Gaia te uhuli tatavahalea Israel va levu, nina dolo kikinima te kabu kasila.

¹⁵Gaia te nia rabo horu Pharaoh, ma nina ovu ni kisu mate lokana na horara, nina dolo kikinima te kabu kasila.

¹⁶Holoutoa gaia, te uhuli tatavahalera nina vure lokana na bona mamaha, nina dolo kikinima te kabu kasila.

¹⁷Holoutoa gaia, te labu horura na lei vunaghi laga, nina dolo kikinima te kabu kasila.

¹⁸Gaia te matera na lei vunaghi ni malaghai asi, nina dolo kikinima te kabu kasila.

¹⁹Sihon na vunaghidira na kema Amon, nina dolo kikinima te kabu kasila.

²⁰Ma Og, na vunaghi ni Bashan, nina dolo kikinima te kabu kasila.

²¹God te vahera na pari ni tunuva na vunaghi raini, nina dolo kikinima te kabu kasila.

²²Israel nina tinoni lutu, nina puku na lologho, nina dolo kikinima te kabu kasila.

²³Gaia te ghanaghana olighi na talamo ni mangamami tai labe, nina dolo kikinima te kabu kasila.