Buk Song 91:3-5

³Tru tumas, bai God i lukautim yu gut na samting i stap hait i no inap bagarapim yu. Na bai em i banisim yu na ol sik nogut i no inap kisim yu.

⁴Bai em i karamapim yu gut, olsem kakaruk i karamapim ol pikinini long wing bilong en. Yu ken hait gutpela tumas aninit long wing bilong Bikpela, na bai em i was long yu. Em i no save giaman long lukautim yu. Olsem na yu ken i stap wantaim Bikpela, olsem man i hait baksait long hap plang bilong pait.

⁵Long nait yu no inap pret long wanpela samting nogut. Na long san yu no ken pret long wanpela samting i kamap kwik tumas bilong bagarapim yu.