Buk Song 25:17-22

¹⁷Pinisim olgeta bel hevi bilong mi, na bel bilong mi i ken i stap isi. Helpim mi, na ol hevi bai i no inap daunim mi.

¹⁸Tingting long olgeta bel pen na hevi i stap long mi, na lusim olgeta sin bilong mi.

¹⁹Yu lukim ol birua bilong mi ol i planti tumas. Ol i no laikim mi liklik. Nogat tru.

²⁰Kisim bek mi na lukautim mi gut, na ol birua i no inap bagarapim mi. Yu save was long mi, olsem na mi kam long yu.

²¹Mi bilip long yu, olsem na yu ken mekim olgeta gutpela na stretpela pasin bilong mi i lukautim mi oltaim.

²²God, yu ken baim bek olgeta manmeri bilong yu, na olgeta kain kain hevi bai i no inap daunim ol.