Buk Song 119:57-63

⁵⁷Bikpela, yu tasol yu inap long mi. Mi promis long yu olsem, bai mi bihainim olgeta lo bilong yu.

⁵⁸Mi askim yu strong bai yu marimari long mi, long wanem, yu promis pinis long mekim olsem.

⁵⁹Mi tingim pinis wokabaut bilong mi, na nau mi promis long yu bai mi bihainim tok bilong yu.

⁶⁰Mi no ken wet. Mi hariap long bihainim lo bilong yu.

⁶¹Ol man nogut i traim long pasim mi bilong pulim mi i go long pasin bilong ol, tasol mi no lusim tingting long lo bilong yu.

⁶²Long biknait tru mi save kirap na litimapim nem bilong yu long ol stretpela tok yu mekim long kot.

⁶³Mi save wokabaut wantaim ol man i save mekim wok bilong yu na i save bihainim lo bilong yu.