11 Ai garra meigim blanga yu golwan tjein garram loda purdiwan silbawan sheip langa det tjein.
12 Aibin jinggabat wen main king bin leidanbat saidwei, det gudsmelwan medisin blanga main bin spredat ebriweya.
13 Jis laik detlot gudsmelwan purdiflawa jidan langa lilwan beig langa main nek, wal main olmen leidanbat langa main tjes.
14 En im jis laik det gudsmelwan purdiflawa weya gro langa springwoda kantri.
15 Yu luk brabli purdiwan, main olgamen, en det dubala ai blanga yu brabli braitwan. Dei shoum mi yu laigim mi brabliwei.
16 Wal main olmen, yu brabli purdiwan du. Yu meigim mi brabli gudbinji. Det grin gras garra jidan yunmi bed,