Bagibagi 13:32-34

³²‘Tiyai to nei geka hosi ipa tuwegana dewadewana to dedeya ugolimi. Mei Yaubada a paliwitumagana googata ugolihi

³³ipa Yesu ina itowolo meya naka tauta ugolita e laimoineya. Mei Sam wiluwagana u hinena hi gilugilumi geka pite, “Tam Natuwe, amalai a wogeletem lawa boluhi u matahi naka tam Natuwe.”

³⁴Ma Yaubada Yesu i witowolo meya po ega emoemotana Yesu ina buda, mei a Buka i bahebaheya pite i pa, “Kawaidewadewa waiwoiyawana po moinana tam natuwe apo a welem. Mei Dawita a palipaliwitumaganeya.”